Santuario de Santa Eulalia de Bóveda

Na localidade de Santa Eulalia de Bóveda, moi próxima á cidade lucense, atópase o santuario de Santa Eulalia de Bóveda, un monumento histórico que data do século III. Este edificio romano é un dos máis característicos de todo o norte de España, e non só pola súa estrutura e a súa localización senón tamén polo seu gran valor histórico. Actualmente é considerado como Ben de Interese Cultural e Patrimonio histórico de España, título que se lle outorgou anos despois de ser descuberto en 1926.

Aínda que actualmente é un dos monumentos máis importantes da localidade de Santa Eulalia de Bóveda, debido á súa localización este santuario non foi descuberto ata fai menos dun século. Este atópase debaixo da igrexa parroquial desta localidade, polo que non foi ata que un párroco atopou o lugar cheo de entullos, que  dió a coñecer a súa existencia. 

Un santuario en grao sumo característico

Se o santuario de Santa Eulalia é tan valioso a nivel arquitectónico é polo valor histórico e todas as estruturas romanas que podemos atopar no seu interior. Segundo os diferentes estudos que alí se realizaron, este lugar serviu de templo dedicado á deusa Cibeles, aínda que segundo os expertos tamén podería estar relacionado cun  ninfeo ou mesmo un lugar de baños. Do que si que hai certeza é de que antigamente tiña unha segunda planta, a cal foi  destruída por culpa da capela cristiá que se situou no piso superior

Unha das cousas máis características deste santuario é o marabilloso conxunto mural que se pode atopar en todo o seu interior, onde tamén podemos atopar as columnas e a piscina central da cripta. Esta última servía orixinalmente para albergar o sangue do  Taurobolio, un rito no cal se sacrificaba un touro para proceder logo a un bautismo co sangue do animal.