Islas Cíes

Islas Cíes - Wikimedia Commons/Iria González Sierra

Illas Cíes

As Illas Cíes son un arquipélago situado na Ría de Vigo e que xunto ás illas de Ons, Sálvora e Cortegada, forman o Parque Nacional das Illas Atlánticas. Son un dos principais paraísos naturais de Galicia e, por tanto, moitos peregrinos do Camiño Portugués da Costa deciden facer un desvío no seu roteiro para coñecelas.

Este arquipélago está formado por tres illas: Monteagudo, do Faro e San Martiño (tamén chamadas Norte, Do Medio e Sur, respectivamente). As dúas primeiras están unidas pola Praia de Rodas, considerada polo prestixioso diario británico The Guardian como a mellor praia do mundo.

Ademais da devandita praia, nas Illas Cíes podemos gozar de diversas actividades relacionadas coa natureza, como roteiros de sendeirismo, kaiak, snorkel ou observación de estrelas.

Visitar as Illas Cíes

Co fin de protexer as marabillas naturais deste arquipélago, a entrada a visitantes está moi limitada e para acceder ás Illas Cíes débese contar cunha autorización da Xunta de Galicia. Esta autorización pode pedirse nunha páxina web habilitada para iso, na cal tamén se pode solicitar o permiso de acampada.

Ademais, para acceder ás illas é necesario contratar a viaxe cunha das navieiras autorizadas, as cales fan viaxes diarios desde varios puntos da costa galega.