Villafranca Montes de Oca

Antiguo hospital para peregrinos del siglo XIV

Situado á sombra dos outrora «perigosos» Montes de Oca, este núcleo confirmouse desde a orixe da ruta como a última parada antes de abordar este complicado paso. Os montes de Oca eran unhas paraxes lendarias, evocadores e moi temidos durante a Idade Media ante a continua presenza de bandoleiros que, amparados nos densos bosques circundantes, asaltaban aos peregrinos.

O Códice Calixtino refírese a esta paraxe como Nemus Oque. Hoxe, en cambio, a soidade e o silencio son os que presiden este lugar de gran beleza, división natural entre as concas do Ebro e do Douro. Nas épocas de maior esplendor Villafranca de Montes de Oca chegou a contar con até nove templos e ermidas -dos que só se conservan tres- e con dous hospitais para peregrinos, un deles de renombrada importancia e que aínda pervive na actualidade rehabilitado como hotel. Ante o inhóspito dos quilómetros inminentes recoméndase aos romeus repor forzas no lugar. Diversos establecementos permíteno.