17 esculturas para identificar o Camiño do Sueste no seu paso por Ávila

Una de las 17 esculturas en homenaje al Camino de Santiago en Ávila

17 serán as esculturas que a Asociación de Amigos do Camiño de Santiago en Ávila doará a 17 municipios da provincia castellanoleonesa, unha iniciativa que xorde da idea da agrupación de homenaxear ás localidades abulenses polas que pasa o Camiño do Sueste e identificar o paso da ruta xacobea por Ávila dunha maneira especial.

As esculturas serán sufragadas grazas ao Premio Camiño de Santiago 2015 que a asociación recibiu de mans da Xunta de Galicia o pasado mes de decembro. A Asociación de Amigos do Camiño de Santiago en Ávila afirma que desta maneira queren repartir o premio "de forma equitativa, orixinal e inédita".

As esculturas de forxa terán motivos relacionados co Camiño de Santiago, non terán volume e medirán entre 1,5 e 2 metros de altura, ademais tendo motivos distintivos de cada un dos 17 municipios onde se colocarán, mentres que o soporte de cada unha delas correrá a custo de cada concello. Os dous primeiros municipios abulenses que recibirán a súa escultura son Tornadizos de Ávila e Cebreros.