A Bandeira

Área Recreativa A Carixa ©Galicia Maxica

Esta localidade, atravesada pola N-525 e polo propio camiño jacobeo que secunda esta estrada, recibe os camiñantes con todo tipo de servizos ao pé da vía. Unha estrutura urbana ben trazada e unha oferta comercial e de servizos de relevancia confírmana como a segunda localidade en importancia do concello de Silleda.

Na actualidade o núcleo é coñecido por unha excelsa cita gastronómica: a Festa da Empanada. Ademais, A Bandeira serve de centro neurálxico dende onde visitar outros puntos de interese dos arredores, como a próxima Fervenza (cascada) doToxa, o mosteiro de Carboeiro e a área recreativa da Carixa (Merza).

O cura local, José Espiño, é, ademais, un dos grandes valedores da Vía da Prata. Este escritor e investigador, nacido na zona, centrou moitos dos seus estudos na ruta mozárabe ata chegar a impulsala e consolidala. Por este traballo a asociación de Amigos da Vía da Prata-Camiño Mozárabe de Ourense quixo renderlle homenaxe e inaugurou no 2009 un monolito na súa honra ao pé da travesía, xunto ao Centro Cultural da Bandeira.