A Coruña

A Coruña é o punto de partida para unha das variantes do Camiño Inglés. É a segunda cidade máis poboada de Galicia, logo de Vigo e conta con case 250.000 habitantes. A súa pequena extensión territorial como concello, de tan só 37,83 quilómetros cadrados, confírelle unha das densidades de poboación máis altas de España. A súa orografía é tamén una das súas peculiaridades ao ser A Coruña unha península, unida a terra por un estreito istmo. Así o centro e a Cidade Vella conta con dúas fachadas, unha cara á ría e con vistas ás zonas portuarias e outra en forma de baía onde están as praias de Riazor, Orzán e Matadero.As orixes da Coruña remóntanse a época romana, e aínda se conservan vestixios como o Castro de Elviña ou a torre de Hércules. En 1589 María Pita converteuse na heroína coruñesa que loitou contra Sir Francis Drake, cando os ingleses asediaron a cidade despois do apoio de España á Armada Invencible. Tras duros enfrontamentos, a poboación atrincheirouse na Cidade Vella. Demostrando gran valentía María Pita matou a Drake e os ingleses emprenderon a súa fuxida. Séculos máis tarde, durante a Guerra da Independencia, A Coruña foi unha das cidades que ofreceu máis resistencia ao avance francés, axudados polo exército inglés. En 1809 librouse unha das batallas máis encarnizadas, a Batalla de Elviña, na que o xeneral inglés Sir John Moore resultou ferido e morreu. Pese á súa morte, os seus homes conseguiron o seu obxectivo, venceron aos franceses e conseguiron embarcar rumbo a Gran Bretaña. Na actualidade A Coruña é unha cidade cosmopolita que conxuga o seu carácter turístico e de servizos con actividades portuarias como a pesca, axuntando así modernidade e tradición.