A ruta gastronómica do Camiño Francés faise realidade

Celebrarase entre os meses de outubro e xaneiro, unha vez finalizada a tempada alta, para traballar na desestacionalización do Camiño de Santiago

Fernando Borjas
31/08/2017 18:27
Gastronomía gallega

Gastronomía gallega

A Mancomunidade de Concellos Galegos do Camiño Francés e Turismo de Galicia, dependente da Xunta, asinaron un convenio de colaboración que impulsará definitivamente o nacemento dunha ruta gastronómica na vía francesa da que xa tivemos noticias o pasado mes de xullo. Esta ruta celebrarase os fins de semana entre outubro e xaneiro nos 11 municipios galegos que forman parte da mancomunidade, co obxectivo de impulsar a afluencia de peregrinos máis aló da tempada alta dos meses de verán apostando por produtos autóctonos como o capón, o cocido, o pan artesán, o queixo de O Cebreiro ou os embutidos, entre outros moitos, como gran atractivo.

Este convenio de colaboración, que foi asinado esta mesma semana pola directora de Turismo, Nava Castro e o presidente da mancomunidade de municipios, Jesús Galego, estará vixente ata 2020, percibindo de parte de Turismo de Galicia unha achega de 287.000 euros que non só irán destinados á creación da ruta gastronómica no Camiño Francés, senón tamén ao mantemento, mellora e xestión do itinerario. A intención dos impulsores do proxecto é axuntar o atractivo patrimonial do Camiño de Santiago coas virtudes da gastronomía galega e os produtos típicos dos municipios participantes: Pedrafita do Cebreiro, Triacastela, Samos, Sarria, Paradela, Portomarín, Monterroso, Palas de Rei, Melide, Arzúa e O Pino.

Actividade

Para vivir o camiño debes estar rexistrado e/ou logueado. Dá o primeiro paso e empeza a túa historia!

Actividade recente

No hay ningún comentario en este muro social

La Voz de Galicia La Voz de Asturias

Puntos de interese

Localidades | Albergues | Aloxamentos | Restaurantes | Guarnicionerías | Médicos | Puntos de interese | Talleres de bicicletas

Contactar | Aviso Legal | Autoría | Mapa Web

© Copyright LA VOZ DE GALICIA S.A. Polígono de Sabón, Arteixo, A Coruña (ESPAÑA) Inscrita no Rexistro Mercantil da Coruña no Tomo 2438 do Arquivo, Sección Xeral, aos folios 91 e seguintes, folla C-2141. CIF: A-15000649

Desenvolvido por Hyliacom