Cambre

Un número suficiente de bares, mesóns e restaurantes facilitan o avituallamiento do romeiro ao seu paso polo municipio. Separadamente das cafeterías e demais locais do centro urbano ou da parroquia de Cambre -zonas máis populosas-, sucédense un puñado de casas de comidas que permiten planificar o xantar a metade de xornada.

Boa opción é a tradicional Casa Celia, restaurante de referencia con máis de 70 anos de antigüidade. Cociña de mercado, produtos da terra e unha extensa vinoteca agardan ao visitante na parroquia de Anceis, ao pé do Camiño. Tampouco será necesario desmarcase en exceso da senda para atopar o Mesón Vasco, no lugar da Telva.

O establecemento é ademais a única pensión próxima ao trazado en todo o municipio. Antes de abandonar Cambre para adentrarse en Carral, o peregrino topará no lugar da Xira con Casa Germán. Peculiar onde os haxa, o local presume de cuncas de viño personalizadas para os seus clientes.