Cambre

Internado o romeiro en Concello de Cambre tras cruzar o río Valiñas poderá admirar a igrexa de Santiago de Sigrás, templo orixinario do ano 1150, aínda que reformado con elementos barrocos e neoclásicos que cambiaron o aspecto primitivo da fachada, especialmente tralas obras de 1865.

Está emplazado nun antigo punto de atención aos peregrinos durante a Idade Media. De feito, a casa rectoral parella á igrexa serviu aínda como hospital de peregrinos ata o século XVII. Tratábase do primeiro hospital do Camiño Inglés que achaban os romeiros ao desembarcar -moitos deles enfermos- na Coruña ou na ría do Burgo.

O Cardeal Jerónimo do Hoyo, na viaxe que fixo no ano 1607 a todas as parroquias da diócesis de Santiago, relataba que na igrexa "hai un Hospital sen renda e con dúas camas onde se recolle aos pobres peregrinos".Pero o templo de maior peso no municipio é sen dúbida a igrexa de Santa María de Cambre. Para visitala será necesario desmarcase do itinerario, pois se localiza no centro da capital do municipio. A visita á igrexa románica é unha referencia no Camiño, así que a demora valería a pena. Data do século XII e conserva algúns dos seus elementos orixinais. Entre outros detalles que a vinculan ao románico compostelano, destacan a espadana e o rosetón da fachada, así como o beirado que protexe a portada; a fiestra con cinco arcos de herradura ou o deambulatorio interior.

Atesoura o templo unha vasilla relacionada coa lenda das vodas de Caná, onde Cristo transformaría a auga en viño. A viaxe ao pasado no centro de Cambre continúa polo Museo Arqueolóxico, a escasos metros da igrexa. Trátase dun xacemento romano, convertido en museo, no que se descubriron os restos dunha antiga vila. Visitas: 981656217 | museo@cambre.org As festas e feiras Cada parroquia de Cambre ten festas en honor ao seu patrón.

A da capital do municipio celébrase o 15 de agosto dedicada a Nosa Señora. A feira de Cambre celébrase o día 2 e o terceiro domingo de mes na alameda xunto á igrexa de Santa María, unha cita na que prima a venda de produtos tradicionais.