Fotos do Camiño de Santiago que todo peregrino debería levar de recordo

Calquera persoa que se aventurou a deixar as súas pegadas a través dos distintos roteiros do Camiño de Santiago, estará de acordo en que se trata dunha experiencia inesquecible. Non só é unha viaxe que transcende das crenzas universais, senón que tamén ao longo dos carreiros descóbrense paisaxes cunhas panorámicas tan espectaculares, que resulta practicamente imposible non querer  inmortalizarlo mediante unha fotografía.

A día de hoxe non necesitamos unha cámara de profesionais para conxelar os mellores momentos que ofrece o Camiño de Santiago. Independentemente do punto de partida, percorrendo os camiños que guían ata a cidade compostelá pódense observar ríos, mares, bosques, campos e outro tipo de escenas que todo peregrino debería levar de recordo en forma de instantánea. 

O Camiño de Santiago e os seus roteiros préstanse a capturar numerosas fotografías. Con tantos anos de historia ás súas costas, existe unha norma non escrita que todo peregrino debe levar a cabo cando se trata de sacar a cámara do teléfono móbil. A continuación poderás observar cales son os aspectos máis  icónicos e simbólicos que non poden faltar no teu álbum dos recordos. 

Non cabe ningunha dúbida de que o Camiño de Santiago consegue que nos superemos a nós mesmos. Sexa cal for o punto de saída, son moitos os quilómetros que nos quedan por diante ata chegar a Santiago de Compostela. Para percorrer as diferentes distancias a pé é imprescindible contar cun bo calzado e, dada a súa importancia, os pés convértense nun dos maiores protagonistas desta aventura.  

Outra das fotografías que non pode faltar na nosa galería é, sen dúbida, os carreiros rodeados de árbores ou extensos campos que se atopan polo Camiño de Santiago. Como ben diciamos liñas atrás, trátase dunha experiencia chea de incribles sensacións, e gran parte diso é grazas ao contacto directo coa natureza e a súa tranquilidade. 

A sinalización do Camiño de Santiago é unha das claves para saber que estamos no camiño correcto. Atopar estes bloques de formigón cunha frecha co rumbo para seguir e unha cuncha amarela son unha gran alegría, polo que é outra das instantáneas que todo peregrino debería capturar. 

A pesar de que por diante quedan un gran número de quilómetros por percorrer, iniciar o Camiño de Santiago pon o ánimo a niveis  estratosféricos. As imaxes do principio da peregrinación e a distancia que queda por diante están entre as fotos indispensables da experiencia. Non hai nada mellor que poder gozar do antes e despois. 

Do mesmo xeito que ocorre co calzado, a mochila é un dos obxectos máis prezados ao longo do Camiño de Santiago. É un complemento que levaremos ao lombo durante centenares de quilómetros, motivo polo que se paramos a descansar, unha xenial idea é gardar para o recordo o lugar cunha foto da mochila e a paisaxe detrás. 

[insta[ CEWTCVNC- md[/insta]

Chegar a Santiago de Compostela é unha das mellores recompensas despois de non parar a pata durante días. Os peregrinos que van acompañados abrázanse e celebran a súa vitoria na Praza do Obradoiro, razón pola que ao chegar ao esperado destino, non pode faltar unha fotografía na Catedral.