Lires

Esta bela e pequena vila, de construcións tradicionais, ábrese á ría de Lires, a máis pequena de Galicia. Esta ría está formada pola desembocadura do río Castro e conforma o límite natural entre os municipios de Cee e Muxía.

Trátase dun enclave que combina diversos reclamos naturais, como dous ríos e dúas praias separadas pola desembocadura de ambos. O areal de Nemiña -que marca o fin da ría de Lires e o comezo do cabo de Touriñán- é, ademais, unha das principais zonas de interese para o turismo ornitológico de Galicia.

O espazo acuoso está poboado por miles de gaivotas, centos de corvos mariños e ducias de correlimos e garzas reais. Os amantes das aves poden avistar aquí especies tan singulares como a gaivota polar (laurus glaucoides). Moi preto, no Cabo Touriñán déixase ver frecuentemente o falcón peregrino (falco peregrinus).