Milladoiro

Biblioteca Municipal de O Milladoiro ©Street View

A localidade actúa, para un grupo considerable de veciños, como cidade dormitorio aínda que cada vez son máis os habitantes que fan vida no propio núcleo. Por iso, nos últimos anos incrementáronse o número de establecementos comerciais e de hostalaría.

No lugar prosperan bancos, farmacias, supermercados e numerosas tendas. Milladoiro dispón na capela da Madalena dun punto de información ao peregrino. Aberto de martes adomingo de 09.00 a 13.00 horas, nel ofrécense datos de interese sobre a ruta portuguesa, así como información de Milladoiro e da Madalena. Tamén é posible selar aquí a Credencial.