Os hostaleiros piden máis coidados na sinalización do Camiño de Santiago

O "Gremio de Hospedaxe de Compostela e Camiños de Santiago" reuniuse esta mañá, en Lugo, co deputado responsable de Turismo da Deputación de Lugo, Eduardo Vidal.

Fabio
03/05/2016 16:00
Membros do Gremio de Hospedaxe de Compostela e Camiños de Santiago

Membros do Gremio de Hospedaxe de Compostela e Camiños de Santiago

Profesionais da hostelería de distintos puntos de Galicia e membros do "Gremio de Hospedaxe de Compostela e Camiños de Santiago", asociación creada co obxectivo de dar a coñecer o valor patrimonial, gastronómico, cultural, social e relixioso de todos os camiños; solicitaron recentemente un maior coidado das sinalizacións oficiais das diferentes rutas xacobeas.

De forma específica, o gremio solicita unha revisión na sinalización do chamado "Camiño de Inverno", unha das dúas rutas recoñecidas formalmente como Camiño de Santiago co novo proxecto de “Lei do Patrimonio Cultural de Galicia”, aprobado recentemente polo Parlamento. Os hostaleiros afirman que na devandita ruta existe unha evidente falta de sinalización nalgúns dos seus tramos.

O "Gremio de Hospedaxe de Compostela e Camiñvos de Santiago" reuneuse recentemente, en Lugo, co deputado responsable de Turismo da Deputación de Lugo, Eduardo Vidal. Os responsables do Gremio mostraron a súa total dispoñibilidade para traballar conxuntamente nas actuacións e plans estratéxicos de turismo levados a cabo desde a deputación.

Relacionados

Últimos contidos
Consellos
Curiosidades
La Voz de Galicia La Voz de Asturias

Puntos de interese

Localidades | Albergues | Aloxamentos | Restaurantes | Guarnicionerías | Médicos | Puntos de interese | Talleres de bicicletas

Contactar | Politica de privacidade | Política de Cookies | | Aviso Legal | Autoría | Mapa Web | Consentimiento

© Copyright LA VOZ DE GALICIA S.A. Polígono de Sabón, Arteixo, A Coruña (ESPAÑA) Inscrita no Rexistro Mercantil da Coruña no Tomo 2438 do Arquivo, Sección Xeral, aos folios 91 e seguintes, folla C-2141. CIF: A-15000649

Desenvolto e administrado por Hyliacom