Ponte Ferreira

Fotografía de Óscar Cela.

Ten moita importancia para o peregrino que fai o Primitivo. E é que neste lugar, situado a 27 quilómetros de Lugo e a 20 de Melide, hai dúas posibilidades de aloxamento.

A máis antiga é unha bonita casa de turismo rural, a Casa da Ponte, onde tamén dan almorzos. A máis reciene é un albergue privado, tamén chamado Ponte Ferreira, e que ten 26 prazas. Cobran dez euros por durmir, abren todo o ano e teñen bar. Ambas as dúas instalacións permiten ao peregrino poder variar a duración das etapas en función das súas necesidades.

A quen lle parezan curtos os 20 quilómetros entre Lugo e A Retorta pode seguir camiño ata aquí. Ou mesmo intentar chegar ao albergue público de Hospital das Seixas, cinco quilómetros máis alá, nas estribacións da Serra do Careón, que divide as provincias de Lugo e A Coruña, xa máis preto de Melide.