De tapas ou a mesa e mantel, a oferta gastronómica en Pontedeume é variada, desde racións a cociña de mercado. Concentrados na zona vella, zona de viños, sitúanse establecementos como o mesón O Cura (San Agustín, 32), de cociña tradicional e prezos económicos; o popular mesón Zas (Real, 2), un clásico da restauración local, ou o non menos coñecido bar Compostela (Real, 19).
Tamén é recomendable o polbo que prepara o mesón Os 100 Pasos (avenida Doctor Villanueva, 22), a un prezo de 13,50 euros a ración. Na zona da alameda atópase a cervexería Beer’s e a bocatería La Cascada. Outra opción son os restaurantes, con establecementos como A Pitanza (Real, 44), Restaurante Luis (San Agustín, 12) ou O Varadoiro (rúa Mancebo), entre outros. De copas A noite eumesa conta con bares e pubs para gozar os fins de semana de actuacións en directo, música rock, latina ou disco.
Os locais aglutínanse igualmente na zona vella, onde só haberá que deixarse guiar polo bulicio e o ambiente das terrazas. Pódese empezar a ruta nocturna xunto ao albergue de peregrinos, no pub O Trasteiro, continuando polas terrazas da avenida principal ata os locais repartidos polas ruelas do centro, como o pub Apnea, O Pelouro ou o Bora Bora.
9°
19/03/2024
cielo despejado
Localidades | Albergues | Aloxamentos | Restaurantes | Guarnicionerías | Médicos | Puntos de interese | Talleres de bicicletas
Contactar | Politica de privacidade | Política de Cookies | | Aviso Legal | Autoría | Mapa Web | Consentimiento
© Copyright LA VOZ DE GALICIA S.A. Polígono de Sabón, Arteixo, A Coruña (ESPAÑA) Inscrita no Rexistro Mercantil da Coruña no Tomo 2438 do Arquivo, Sección Xeral, aos folios 91 e seguintes, folla C-2141. CIF: A-15000649