Santa Irene

Santa Irene ©Panoramio /fotocolocador

Todos os caminantes que se acheguen este día ata o lugar gozarán da comida e música destas típicas festas galegas. A capela, de finais do século XVII, de propiedade privada e sen culto, conta no seu interior cun retablo barroco.

As documentacións históricas destacan que no 1808 as tropas napoleónicas, no seu camiño a Santiago, entraron e roubaron no lugar antes de ir durmir ao atrio da igrexa parroquial de Arca.

É posible que para moitos camiñantes pase máis inadvertida a fonte que está no seu lateral e que, con todo, garda un sinfín de lendas. Anteriormente existía nela unha imaxe da santa en granito, que databa de 1692 e que foi roubada a finais dos anos 80.

Un dos mitos que encerra o lugar conta, ademais, que a auga desta fonte recollíase para as hortas, xa que se cría que tiña o poder de acabar coas pestes e conseguir así que as colleitas fosen óptimas. Outra lenda apuntaba a que Santa Irene podía curar dos seus males a todos os nenos e que, aqueles que choraban demasiado, verían contidos os seus choros se pasaban por baixo da imaxe da Virxe.