Triacastela

Bar Restaurante Esther ©Street View

Triacastela conta cunha variada oferta hostelera. Do mesmo xeito que ocorre noutras localidades do Camiño, os peregrinos máis madrugadores non terán problema para atopar un local aberto desde as 6.00-6.30, xa que esta vila lucense adapta os seus horarios ás necesidades dos camiñantes.

Á entrada da localidade atópase o Café Bar O Peregrino. Un pouco máis adiante, e a man esquerda, levántase o Complexo Xacobeo, que ofrece tres modalidades de xantar. En casa Fernández as anécdotas dos peregrinos mestúranse coas conversas dos veciños do lugar e co ruído da cafeteira. Casa David, un clásico no que prima a honestidade e a hospitalidade. Casa David ofrece desde os almorzos máis completos aos máis sinxelos nun aproveitado local con bancos de madeira.

Para comer, a relación calidade-prezo e a variedade do Complexo Xacobeo é excelente. Menú do día a 10 euros (http://complexoxacobeo.com/seccion/index/12/index.html ) no que destacan os callos, o Cocido e as carnes á brasa. Pero o Xacobeo non se queda aí. Este local tamén traballa con mestría as tradicionais racións e o sempre complicado mundo dos pratos combinados. Outra boa opción é o Peregrino, que tamén traballa con variedade e solvencia, e ademais ofrece uns curiosos bonos con descontos.