Triacastela

Habitaciones Casa David ©Street View

Ao ser Triacastela final e principio de etapa case obrigado, a vila conta con multitude de lugares destinados á hospedaxe do peregrino. O albergue público está situado no acceso ao núcleo nun enclave privilexiado, a beiras do Oribio, e rodeado dun amplo prado no que é posible acampar os días nos que a localidade está saturada. Ademais, existen cinco albergues privados.

O Complexo Xacobeo, cómodo e céntrico, o acolledor O Horto de Abel, levantado en pedra, o Aitzenea, O Berce do Caminho e o Refuxio do Oribio. Aqueles que busquen algo máis de intimidade poderán pasar a noite en casa David (habitacións cunha pequena parcela ao descuberto), no Complexo Xacobeo (que como se pode comprobar toca todos os paus) ou Casa Olga, todos con habitacións dobres de prezos similares (sobre 40 euros). No concello de Triacastela existen cinco casas de turismo rural (Casa Xato, Casa Quiroga, Casa Pacios, Casa Veiga e Casa Tecelán). Por ningunha pasa a senda xacobea, pero todas elas ofrecen suficientes comodidades.