Concatedral de Santa María

Concateral de Santa María de Vigo | Wikicommons. Autor: Zarateman

Unha viaxe pola Historia e a Arte de Vigo

A Concatedral de Santa María de Vigo, tamén coñecida como Colexiata de Santa María, é un lugar de gran importancia histórica e cultural para a cidade de Vigo. Falamos dun templo cunha historia que se remonta a varios séculos atrás, testemuño vivo da evolución arquitectónica e relixiosa da comarca.

A igrexa orixinal foi construída no século XII, aínda que a estrutura que hoxe vemos foi froito de numerosas reconstrucións e modificacións ao longo de diferentes séculos, sendo a máis importante froito dos ataques piratas no século XV. A versión que hoxe podemos visitar e atopar data do século XIX.

Se falamos de arquitectura, a Concatedral de Santa María é un fermoso edificio de arquitectura neoclásica, aínda que tamén contén diferentes tipos de estilos que van dende o románico ata o gótico. Un claro exemplo das diferentes fases de construción e reconstrución polas que pasou ao longo dos anos. Un dos aspectos máis destacados do edificio é a súa fachada, que mostra unha combinación harmónica de sinxeleza e elegancia.

Ao entrar na igrexa atopamos un espazo impresionante, adornado con varios altares, cada un coa súa propia historia e significado artístico. Destaca especialmente o altar maior, unha obra de arte espectacular. Ademais de ser un lugar de culto, a Concatedral é tamén unha zona e centro cultural moi importante para Vigo. O edificio foi testemuña de numerosos acontecementos significativos na historia da cidade e segue a ser un punto de encontro de eventos relixiosos e culturais da comunidade.