Vilanova de Lourenzá

O puñado de bares e restaurantes do centro da localidade teñen en conta a presenza de peregrinos e, algúns deles, adaptaron os seus horarios para dar servizo aos romeiros, como o mesón O Recanto, que abre as súas portas ás 05:30 horas da mañá para servir almorzos. Para comer hai varias opcións, calquera delas cun menú do día axustado de prezo. Mesón O Pipote, cafetaría Galaxia ou restaurante La Unión son boas opcións para a comida do mediodía.