A Gudiña

Hotel Restaurante El Suizo ©Street View

A Gudiña conta cun bo albergue, de 24 prazas. Para chegar a el deberase tomar o desvío pola OU-533 que conduce cara ás localidades de Viana do Bolo e A Rúa. Tras salvar por baixo as vías férreas virarase á dereita para atopar o lugar de descanso. Ademais do albergue, A Gudiña conta cun amplo abano de aloxamentos, case todos concentrados ao longo da Avenida do Beato Sebastián de Aparicio.

En xeral, dispoñen de prezos moderados. Moitos dos hoteis contan con restaurantes e bares abertos a horas temperás, para dar servizo a viaxeiros. Algúns, como o Hotel Suízo, incluso permanece aberto as 24 horas. No Hotel Reloxeiro contan con prezos especiais para peregrinos, con cuartos individuais a 25 euros. Como curiosidade destacar que no Hostal A Madrileña véndense billetes para os autocares do Grupo Avanza, liñas que cobren o traxecto ata Madrid.