A Gudiña

A Gudiña ©Panoramio / josedobruma

A poboación, de moito tránsito, crece a ambos os dous lados da N-525, estrada que coincide no núcleo coa Avenida do Beato Sebastián de Aparicio. É nesta rúa onde se atopan a maior parte dos servizos para camiñantes. A Gudiña destaca pola súa paisaxe de montaña e pola súa vocación ferroviaria, xa que o tren optou por este enclave para introducirse en Galicia. Hoxe é o único núcleo que conta desde Ourense con parada para viaxeiros. Xa nun apartado xacobeo, é nesta poboación onde se bifurca a Vía da Prata.

Desde A Gudiña xorde o itinerario coñecido como Verea Sur, tamén denominado Camiño Real, que progresa cara a Laza, así como a variante que se achega a Verín para entrar, posteriormente, no val da Limia. Un dos hándicaps do lugar son as baixas temperaturas, con habituais nevadas no inverno. Recoméndase aos peregrinos sacar diñeiro neste enclave xa que aqueles que sigan cara a Laza non atoparán caixeiros nin esta localidade nin na parada seguinte, en Xunqueira de Ambía

As principais festas que o concello potencia son as de San Bartolomeu, que teñen lugar a finais de agosto, a de Sebastián de Aparicio, o 25 de febreiro, e algunhas festas gastronómicas, como a do xabaril con castañas cocidas.