Arcade

Si por algo destaca Arcade é polas súas ostras / Forografía de Óscar Vázquez

Ademais da construción, destacan os seus xardíns, nos que se poden atopar históricos exemplares de máis de 800 anos de antigüidade e unha oferta de camelias que na actualidade chega ata os 500 exemplares.

Atravesado polos ríos Oitavén e Verdugo, Soutomaior conta con numerosas paisaxes fluviais, entre os que destaca a ponte de Pontesampaio. Na actualidade conta cunha poboación puxante e rolda os 8.000 veciños, concentrados na súa maioría en Arcade, a área máis urbana do municipio.

O personaxe histórico por antonomasia de Soutomaior, Pedro Madruga, podería ter unha traxectoria moito máis rica se se confirmase a vertente de varios investigadores galegos, que apuntan a que sería a identidade de Cristóbal Colón. Esta tese foi iniciada por García de la Riega a finais do século XIX.

Os argumentos están baseados na reinterpretación da firma do navegante, formada por unha siglas que coinciden coa árbore xenealóxica de Pedro Madruga. Ademais, tamén hai un texto do cronista Francesillo de Zúñica que, no século XVI, menciona a Diego de Sotomayor (fillo de Pedro Madruga) como descendente de Cristobal Colón, descubridor de América. Outros dos argumentos presentados son a falta de coñecemento do italiano, suposto orixe que se lle atribuíu ata agora, e os xeitos portugueses, moi similares ás galegas, coas que se presentou ante os Reis Católicos no seu momento.

Outra das bazas coas que se xoga para apuntar á orixe galega de Colón é o escudo, no que puxo cinco áncoras indicando que non era o primeiro almirante da súa familia (cada áncora significa un almirante). Isto concordaría co feito de que a única familia galega con cinco mariños desta gradación era a de Sotomayor.