Arcade

Ostrería Romasa, Arcade ©Google Maps

Se por algo destaca o municipio de Soutomaior é polas súas ostras e o seu viño albariño, pertencente á Denominación de Orixe Rías Baixas. As ostras contan con gran tradición e unha festa propia, que se celebra o primeiro fin de semana de abril. A súa presenza nos areais da zona fixeron famosa á parroquia de Arcade, que agora se nutre destes bancos naturais e do cultivo profesional.

Tamén se pode gozar doutros produtos como berberechos e ameixas, que se poden probar nas súas diferentes receitas en calquera dos restaurantes de Arcade. Nesta área atópanse algúns de renome como o restaurante Arcadia, especializado en mariscos. Para os madrugadores, unha boa opción para o almorzo pode ser acudir ao céntrico bar Muxicas, próximo ao albergue e ao hotel Duarte.

O albariño conta con numerosas adegas na zona representativas desta tradición. Os viñedos que poboan o municipio son boa mostra da fonda pegada da uva na zona.O municipio está moi vinculado á hostalería e boa parte dos profesionais da zona rexentan agora negocios de éxito por toda España.