Carrión de los Condes

Hostal Restaurante La Corte ©Street View

Os peregrinos non acharán problema para poder avituallarse á primeira hora. Un sitio que amence moi temperán (ás 6.00 horas) e que é un dos máis frecuentados polos romeus para almorzar é o bar España, situado no propio itinerario xacobeo, na praza Piña Merino, 2. Nas súas proximidades, na praza Conde Garay (aínda que non na sirga peregrina), localízase a pastelería-cholocatería Yadira, con almorzos completos.

Avanzado o percorrido, outro sitio para xantar é a cafetería Los Condes, situada na praza Mayor, e que abre un pouco máis tarde, ao redor das 8.00 horas. Á hora da comida a maior parte dos establecementos ofrecen menú de peregrino, con pratos típicos da zona. Abundan tamén os locais con bocadillos, pizzas ou racións.