León

Fundada no ano 68 na confluencia de dous ríos para acoller a Rexio VIIª Gemina, co paso dos séculos chegou a ser  o principal centro militar e político do noroeste peninsular e a capital do primeiro reino de León. Ao seu desenvolvemento tamén contribuíu a ruta xacobea, que a cruza de lado a lado, e que favoreceu a instalación no enclave dun barrio de francos, nome que alude ao aluvión de peregrinos desta nacionalidade.

A cidade confirmouse, ademais, como unha das máis acolledoras con case 17 hospitais para camiñantes, algúns tan destacados como os vinculados á colexiata de San Isidoro ou ao Hospital de San Marcos, dous dos monumentos crave de León. Foi aquí así mesmo onde estivo a sede principal da Orde Militar de Santiago do oeste do país. Na actualidade o núcleo permite ao romeu revivir este amplo pasado xacobeo así como gozar dos seus praceres lúdicos. E é que xa no século XII o autor do Códice Calixtino definíaa así: «Cidade real e cortesá, chea de toda clase de felicidades». Capítulo III do libro V do Códice Calixtino