Lugo

Lugo ©Panoramio / ramon.lopezblanco

Lugo ten un gran patrimonio histórico. Non se pode dixerir nunha tarde. Nin nun par de xornadas. Toca elixir. A primeira opción non admite dúbidas: a muralla romana sobresae sobre o resto de monumentos.

E é o principal reclamo turístico da cidade. Por si soa xustifica unha visita. Polas vistas panorámicas que ofrece e pola experiencia de camiñar sobre ela: é o gran paseo de Lugo. A muralla Foron os romanos os que deron a Lugo a infraestrutura que determinou a súa historia. A muralla foi edificada cara ao ano 270 despois de Cristo e é un dos grandes estandartes da colonización de España polo antigo imperio.

A muralla mide 2.140 metros de perímetro. As súas pedras milenarias resistiron o paso do tempo sen perder o seu encanto nin o seu carácter monumental, aínda que non se conservan intactas. Faltan algúns anacos dos cubos ou torres que marcan o percorrido. E un tramo non segue o trazado orixinal. Foi construído no século XIX, durante as guerras carlistas. Estas non foron os únicos conflitos bélicos nos que xogaron un papel decisivo. Tamén exércitos musulmáns ou napoleónicos se toparon con esta poderosa infraestrutura ao longo da historia.

Lugo desborda hoxe a un recinto romano que sufriu numerosas reconstrucións e rehabilitacións co paso do tempo, pero que mantén a súa esencia. É de planta cuadrangular, coas esquinas redondeadas. Os seus muros miden -de media- uns 12 metros de altura. E uns 4 e medio de ancho. Consérvanse 71 cubos ou torres. A extensión que rodean as súas pedras -lousa na súa maioría, algunhas zonas de granito- mide 28 hectáreas.

Lugo ©Panoramio / LeenieforLenaAs portas do Primitivo

O Primitivo entra na bimilenaria Lugo e atravesa a súa muralla pola Porta de San Pedro. A súa existencia está documentada dende o século XII, pero a súa orixe pode ser romana. O rostro que hoxe mostra ao peregrino débese á rehabilitación realizada en 1781. O Camiño máis antigo de todos os que van a Santiago sae de Lugo pola Porta Miñá, tamén a máis antiga da muralla. O seu ámbito foi rehabilitado na primavera do 2013. Tamén se chama Porta do Carme pola capela construída nas proximidades, xa fóra da muralla.

A catedral de Santa María Todos os peregrinos paraban antigamente a rezar na catedral de Lugo, un edificio románico consagrado a Santa María que sufriu modificacións en tempos do barroco -que deixou moita pegada na cidade, por exemplo, co pazo que alberga a Casa do Concello, na Praza Maior- e o neoclásico. Xa sexa para rezar -a gran reliquia desta seo é o Santo Sacramento, exposto permanentemente- ou para admirar a súa beleza monumental, hoxe os que transitan o Primitivo tamén teñen unha parada obrigada neste templo, cuxa construción comezou en 1129 e colleu forma con tres naves.

O seu deambulatorio e as capelas situadas detrás do altar maior son de estilo gótico. Foron construídas no século XIV. Hai dous retablos de estilo renacentista, obra do escultor Cornielles de Holanda, nos extremos do cruceiro. Non hai que pagar para entrar na catedral de Santa María, unha das sedes episcopais máis antigas de España, que foi saqueada polas tropas napoleónicas na Guerra da Independencia e que conta cunha capela dedicada a San Froilán, patrón de Lugo.

O Museo Provincial

No antigo convento de San Francisco encóntrase o Museo Provincial de Lugo (Praza da Soidade s/n. 27001. Teléfono: 982242112). Este inmoble, xunto a outro construído con estética de pazo galego en 1957, contén gran cantidade de obxectos relacionados coa historia local. Destacan as pezas de ourivaría, as de cerámica de Sargadelos e mosaícos romanos do século III. A pegada do imperio en Lugo é profunda. E déixase notar cada vez que se realiza unha escavación no casco histórico.