As Etapas do Muxía

Muxía ©Panoramio Pedro Maza

A forma máis cómoda de regresar desde Muxía ata os lugares de orixe dos peregrinos é establecer a conexión vía Santiago (a 76 quilómetros) ou A Coruña (92 quilómetros).

Estas dúas capitais contan con aeroporto e boas conexións ferroviarias. Desde Muxía pódese chegar a Santiago a través do autobús. A compañía que cobre este traxecto é Ferrín. Desde Muxía parte cara a Compostela, de luns a venres, dous autobuses, ás 06.45 e 14.30 horas. Os sábados saen outros dous, ás 07.30 e 14.30 horas. E, os domingos, outros dous, ás 07.30 e 18.45 horas. Desde Santiago a Muxía teñen lugar tamén dúas viaxes cada día. De luns a venres, saen ás 08.45 e 16.45 horas; os sábados, ás 09.45 e 16.45 horas; e, os domingos, ás 09.45 e 18.45 horas. Ata A Coruña a conexión tamén se establece por autobús aínda que a compañía que cobre o traxecto é Autocares Vázquez.

De luns a venres hai dúas viaxes cada día e que saen ás 07.15 e 10.45 horas. Non van directos. Fan ligazóns con Carballo e Vimianzo. Os sábados o autocar parte de Muxía ás 08.30, tamén con ligazón. E, os domingos, saen dous autocares ás 09.45 e 18.10 horas. Máis información na web da compañía.

Correos ofréceche un servizo de envío de mochilas para que poidas camiñar sen cargas e gozar ao máximo das rutas e etapas, e tamén podes gozar dun servizo de embalaxe e envío de bicicletas. O prezo é de 42,03 euros (IVE incluído, envío a España peninsular). Funciona en todas as súas oficinas.

A parada de taxis de Muxía localízase na Marina , s/n, nas proximidades do peirao. O teléfono é: (34) 981742070. O teléfono doutro taxi ao que se pode chamar durante 24 horas é o ( 34) 629294677.