Ourense

Localidad

1 valoracións
0
0
0

Qué ver en Ourense

Modernidad e tradición.

Ourense busca o equilibrio entre as pedras milenarias e as máis modernas instalacións. As súas dúas pontes emblemáticas son fiel mostra. Salvan o Miño a Ponte Vella (tamén coñecida por ponte Romana) que contrasta coa moderna Ponte do Milenio, finalizada no 2001. Son os primeiros elementos que distinguirá o visitante na silueta urbana.

A Ponte Vella foi construída durante a dominación romana, aínda que daquela infraestrutura orixinal apenas se conservan algúns sillares das bases. A magnitude que loce actualmente débese á última gran reforma, acometida no século XVII. Ourense termal Vinculada á auga desde a súa fundación, a cidade presume de ser a capital termal de Galicia.

Piscina termal de As Burgas. Fotografía: Miguel VillarA Cidade das Burgas

Durante séculos, os seus mananciais mineiromedicinais asentaron unha tradición termal en torno ás súas fontes vaporosas. As Burgas -no casco histórico-, A Chavasqueira e Outariz -a beiras do Miño- son as principais zonas termais de Ourense; lugares de acceso público, gratuito e ao aire libre onde relaxarse á calor das súas augas.

As Burgas, declarada Ben de Interese Cultural, é unha zona de baño termal en pleno centro. Remozada no 2010, a piscina, de 200 metros cadrados, está integrada no casco urbano, nas inmediacións da fonte termal Burga de Abaixo. Un manantial de augas medicinais alimenta de auga os dous espazos, cun caudal de máis de 300 litros por minuto e a unha temperatura de 67 grados centígrados.

A zona termal da Chavasqueira está situada nas marxes do Miño. Está composta por un conxunto de piscinas naturais, cuxas augas emanan a 43 grados centígrados. Tamén son coñecidas como Caldas do Bispo. Outariz e Burga de Canedo supoñen a área máis extensa dedicada ao termalismo. Algo máis afastadas do centro ourensano e tamén a beiras do Miño, está rodeada por un ampla zona axardinada.

Patrimonio Catedral de Ourense

De estilo románico e influencias compostelás, a catedral de Ourense (século XII), baixo a advocación de San Martiño, obedece á disposición dun templo de peregrinación, similar ao de Santiago. Na súa planta de cruz latina distribúense pequenas capelas e alberga unha obra sublime: o Pórtico do Paraíso. Foi construído segundo o modelo do Mestre Mateo na gran entrada occidental do templo, influenciado polo Pórtico da Gloria da catedral compostelana.

Praza Maior

É o corazón de Ourense. Centro da cidade durante séculos. Emprazamento de feiras e festas delimitado por edificios asoportalados, o consistorio e a sé do Museo Aqueolóxico Provincial, de recomendada visita. As instalacións museísticas ocupan o edificio que foi Pazo do Bispo, residencia da autoridade eclesiástica ata mediados do século XX. A Praza Maior ten unha característica especial: o seu chan está inclinado. Outras visitas de interese por ser referentes históricos e patrimoniais na cidade son a Alameda; as igrexas da Trinidad, Santo Domingo e dos Franciscanos; a praza dos Santos Cosme e Damián; a praza do Ferro e o conxunto arqueolóxico de Santomé.

As festas

Ourense vive intensamente as festas do Entroido. Pero as celebracións máis importantes da capital de provincia teñen lugar a última semana de xuño, cun cartel extenso e habitualmente con actuacións de artistas destacados. Ourense foi obxecto de invasións normandas e musulmás.

Esta última iniciouse en ano 714. A cidade foi devastada e non se recuperou do dominio foráneo ata que no ano 900 Alfonso II reconquistó a vila.

Actividade

Para vivir o camiño debes estar rexistrado e/ou logueado. Dá o primeiro paso e empeza a túa historia!

Actividade recente

No hay ningún comentario en este muro social

O tempo en Ourense

21°

13/06/2021

scattered clouds

Localización
Mapa de establecimientos en la localidad
Servizos
  • Conexión por autobus
  • Caixeiros
  • Farmacias
  • Garda Civil988235353
  • Policía local988388138
  • Conexión por tren
  • Ultramarinos
  • Protección Civil988210931
  • Supermercados
  • Paradas de taxi
La Voz de Galicia La Voz de Asturias

Puntos de interese

Localidades | Albergues | Aloxamentos | Restaurantes | Guarnicionerías | Médicos | Puntos de interese | Talleres de bicicletas

Contactar | Politica de privacidade | Política de Cookies | | Aviso Legal | Autoría | Mapa Web

© Copyright LA VOZ DE GALICIA S.A. Polígono de Sabón, Arteixo, A Coruña (ESPAÑA) Inscrita no Rexistro Mercantil da Coruña no Tomo 2438 do Arquivo, Sección Xeral, aos folios 91 e seguintes, folla C-2141. CIF: A-15000649

Desenvolto e administrado por Hyliacom