Ponferrada

Fotografía cedida por Rincones Bercianos

É o nacemento de Ponferrada (Pons-ferrata, ponte de ferro). Nunha beira do río nace un pequeno burgo. Na outra, Fernando II de León levanta un edificio defensivo, embrión do Castelo Templario. Alfonso IX doa á orde dos cabaleiros templarios a cidade de Ponferrada coa intención de protexer aos peregrinos.

As fontes da época recollen moitos abusos sobre os romeus por estas terras. A orde do Temple desaparece e a cidade pasa a mans da nobreza. Durante o século XX Ponferrada experimenta un gran crecemento industrial debido á explotación de recursos minerais como o carbón ou o ferro e a creación dunha central térmica.

O 8 de setembro é o día de La Encina, patroa do Bierzo.  A Basílica de La Encina abarrótase por veciños chegados de todos os puntos da comarca. Durante dez  días en Ponferrada respírase aire festivo: fogos artificiais, actuacións musicais, teatro, etc. Outra das celebracións máis importantes de Ponferrada é a súa noite templaria. Realízase coa primeira lúa chea do verán, e recrea o retorno á cidade de Frey Guido de Garda, Maestre da Orde, para ceder a custodia a Arca da Alianza e o Santo Graal, reliquias coas que regresa de Xerusalén.

Esta é unha das festas máis espectaculares. Os ponferradinos caracterízanse con vestimentas medievais e soben ao castelo para arroupar á comitiva templaria encabezada por De Garda. A Semana Santa de Ponferrada está declarada de Interese Turístico Rexional. O Nazareno Lambrión Chupacandiles anuncia por porta por porta a proximidade destas festas nas que todos os anos, a Confraría de Santiago, ocupa ou papel moi importante. Outras datas sinaladas son durante Ponferradio, a semana da radio, que culmina no Teatro Bergidum coa entrega dos Micrófonos de Ouro.