Precaucións para facer o Camiño de Santiago con seguridade

Catedral de Santiago

A pesar de que o Camiño de Santiago volveu a activarse, os peregrinos que queiran realizalo deben ter unha serie de pautas en conta. Por unha banda hai que seguir unhas medidas que nos permitan estar protexidos e facer o Camiño seguro para os demais, mentres que polo outro hai que ter en conta os cambios que se tiveron que aplicar en todo o relacionado co Camiño desde que comezou a  "nova normalidade".

Como podo facer o Camiño máis seguro para os demais e para o min?

Da mesma forma que ocorre no noso día a día, existen algunhas medidas que temos que ter en conta para realizar o Camiño de maneira segura. Manter a distancia mínima de seguridade é algo que debemos ter sempre en conta, sobre todo cando nos atopemos con outros peregrinos, da mesma forma que o é  desinfectarse as mans cada vez que sexa necesario. Neste caso temos que pensar que durante o Camiño non sempre poderemos lavarnos as mans, polo que temos que levar connosco un xel desinfectante. Recoméndase non botalo e permanecer coas mans ao sol, xa que podemos queimar a pel.

Outro aspecto importante é o uso de aplicacións móbiles tanto para pagar como para consultar diferentes datos de zonas (debemos asegurarnos que no noso roteiro non haxa pobos en corentena). Ao minimizar o contacto con outras persoas estaremos máis protexidos. Tamén deberemos desinfectar o mobiliario dos lugares públicos nos que paremos a descansar ou comer, do mesmo xeito que debemos coidar a forma na que nos desfacemos dos elementos de protección.

Como se fai reserva nos albergues do Camiño?

Os albergues do Camiño tiveron que asumir unha serie de medidas para garantir a seguridade dos seus hóspedes. Ademais de que moitos minimizan o aforo dependendo da capacidade de cada albergue, hai que contar que outros lamentablemente non terán capacidade para abrir as súas portas. É por iso que a Xunta de Galicia creou a web albergues xacobeo na cal os peregrinos poden consultar os albergues abertos, a dispoñibilidade destes e reservar desde aquí as súas prazas. Hai que ter en conta que só se poderá reservar ata as 13:00 h do día anterior e que, a partir dese momento, as prazas cubriranse segundo a orde de chegada.

Camino de Santiago

Que pautas debo levar a cabo no albergue?

A pesar de que o aforo dos albergues vai ser moito menor que outros anos, hai que ter en conta que por alí pasarán moitas persoas, polo que hai que poñer en práctica unhas pautas. Algunhas delas son as que debemos de aplicar na maioría de lugares que visitamos, con todo a estas hai que sumarlle outras novas xa que é un lugar no que faremos noite. Entre elas está o uso de luvas e máscara, meter a mochila e as botas dentro de bolsas individualizadas, ademais de usar o felpudo desinfectante, entre outras cousas.

A través da súa páxina web a Asociación de Municipios do Camiño de Santiago publicou unha guía ilustrativa das pautas que debe seguir todo peregrino dentro dos albergues, ademais dun protocolo que se debe aplicar dispoñible en diferentes idiomas.

Que necesito para visitar a Catedral de Santiago?

A Catedral de Santiago volveu a abrir as súas portas o recente 1 de xullo. A pesar de que calquer peregrino poderá visitala, polo momento no seu interior haberá un aforo limitado de 200 persoas, as cales só poderán acceder durante os horario de apertura: de 9:00 a 19:00. O acceso realizarase a través da porta de Praterías entre semana e pola praza da Inmaculada cando chegue a fin de semana. 

Para entrar será obrigatorio o uso de máscara e manter o distanciamento social mínimo, ademais de ter que  desinfectarse as mans co xel hidroalcohólico colocado na porta de acceso á Catedral. 

En relación á Misa do peregrino, o aforo máximo redúcese a 75 persoas, as cales terán que coller o número de entrada para poder asistir. A misa terá lugar todos os días ás 19:30 na parte oeste da Catedral, mentres que haberá outra ás 12:30 na Capela do centro de acollida ao peregrino.