Saint-Jean-Pied-de-Port

Bella estampa del río Nive

O inicio do Camiño de Santiago para moitos peregrinos

O seu encanto e o inmediato reto de afrontar ata Roncesvalles a etapa máis dura de toda a vía xacobea xogan ao seu favor. Tamén o feito de que 20 quilómetros antes se sitúe Ostabat, o lugar no que conflúen tres das grandes vías que transitan polo territorio francés (as que parten de Le Puy, de Limoges e de Tours). Na Idade Media moitos romeus xa se xuntaban en Saint-Jean-Pied-de-Port para afrontar xuntos a dura subida e posterior baixada ata Roncesvalles.

O núcleo, fundado no século XII por iniciativa do rei de Navarra e emprazado a 8 quilómetros da fronteira con España, soubo conservar a súa autenticidade e o seu encanto medieval, cos seus edificios, as súas rúas empedradas e a sempre vixiante Cidadela. De pasado militar, a súa posición é estratéxica ao ser o inicio dun paso natural que atravesa os Pireneros. A tradución do seu nome confírmao: San Xoán ao Pé do Porto. Nesta tranquila localidade os romeus atoparán todo o necesario para o descanso previo ao longo periplo cara a Compostela.