Sarria

 Situada a 114 quilómetros de Santiago, esta localidade medieval é o último lugar desde onde se pode empezar e conseguir a Compostela se se cobre o trazado a pé ou a cabalo (100 quilómetros son o mínimo para obtela). Por tanto no guía do Camiño de moitos peregrinos, Sarria constitúe o seu punto de partida.

Ademais desde este punto, restan cinco etapas para chegar á meta, un número idóneo para quen queira facer o percorrido en menos dunha semana. No 2012 volveu ser o primeiro punto de partida para os romeiros e máis dun 20% do total comezaron a andar nesta poboación. A historia do núcleo urbano áchase, ademais, intimamente ligada e marcada pola tradición xacobea.

Alfonso IX -considerado por moitos como o creador do camiño moderno- funda a finais do século XII a vila real de Vilanova de Sarria, un punto estratéxico no seu itinerario cara a Compostela. Será, así mesmo, neste lugar onde faleza o monarca en 1230, vítima dunha grave dolencia, cando peregrinaba de novo a Santiago para agradecer ao apóstolo a reconquista de Mérida. Neste concello lucense onde converxen tamén as dúas desviacións do Camiño Francés, a que desde Triacastela vai por Samos e a que o prefire o norte, por San XIl.

Tras séculos de acollida de romeiros, na actualidade Sarria converteuse no núcleo urbano máis poboado do tramo galego do Camiño e o que conta cun maior número de servizos para os peregrinos, cunha elevada e incontible oferta de albergues.

Un rico patrimonio artístico, con igrexas que son paradas indiscutibles na ruta; unha variada gastronomía, na que destacan o cocido, a caza e as anguías; e un puxante centro urbano realzan esta localidade e convértena en lugar de avituallamento. Ademais, os camiñantes acharán en Sarria outro atractivo, o dos seus tradicionais anticuarios, concentrados na rúa do Porvir.

Na rúa Benigno Quiroga, na propia ruta, localízase A Peregrinoteca, unha das tendas máis completas con artigos para o peregrino. Entre os seus expositores acumúlanse unha multitude de guías e libros xacobeos e un amplo catálogo de roupa e accesorios para os camiñantes, ponchos, sandalias, calzado de montaña, cazadoras, shorts ou pantalóns. Con multitude de compradores tamén por Internet, a tenda abre de 07.00 a 21.30 horas.