Embalse de Yesa

Embalse de Yesa - Wikipedia Commons

Próximo aos Pireneos, atópase un dos lugares máis emblemáticos tanto para a comunidade aragonesa como para Navarra, o encoro de  Yesa, tamén coñecido como o “Mar dos Pireneos”. Coñecido tanto polos habitantes da zona como por gran parte dos peregrinos, este encoro situado no municipio de  Yesa, foi inaugurado en 1960 e é considerado como a maior superficie  navegable de Aragón cunha superficie de 2089 hectáreas. A súa presa, situada cara ao norte, conta con 75 metros de altura e 400 metros de lonxitude, cos que acumula a súa gran masa de auga procedente do río Aragón e do río Esca. 

Un espazo idóneo para excursionistas e amantes do deporte acuático

Ademais de ser utilizado para xerar electricidade, as augas azul  turquesa do encoro de  Yesa tamén o converten nun lugar perfecto para practicar deportes acuáticos. Alí acoden cada ano unha gran cantidade de persoas para practicar esquí acuático, windsurf e mesmo vela lixeira, ao que hai que engadirlle a pesca e os roteiros de sendeirismo que atraen a cada vez máis turistas. Tamén é bastante común ver a peregrinos preto deste encoro, xa que forma parte do coñecido Camiño Aragonés, o cal se une ao Camiño Francés na localidade de Puente la Reina.

Dependendo do tempo tamén existe a posibilidade de aproveitar as zonas de baño, sobre todo cando o nivel da auga é máis baixo. Nesas mesmas condicións e se o nivel do encoro baixa ata o 29% tamén se poderá gozar das antigas termas romanas alí situadas e que soamente se poden gozar unha poucas semana ao ano.