Caldas de Reis

Localidad

0 valoracións
0
1
0
Información

Caldas foi sempre lugar de paso obrigado para os peregrinos que entran a Galicia desde Portugal, así como para os que iniciaban o seu percorrido nalgunhas das cidades de referencia do sur

Balneario en Caldas / Fotografía de Ramón Leiro

Balneario en Caldas / Fotografía de Ramón Leiro

O traxecto vén marcado polas dúas vías romanas, a XIX e a XX, que atravesaban a provincia de Pontevedra. Na actualidade o municipio é un dos que máis percorrido ten de todo o Camiño Portugués, que empeza na parroquia de Arcos da Condesa e tras atravesar o centro chega ata a parroquia de Bemil, Carracedo e San Clemente.

Hai numerosas citas de escritores e personaxes coñecidos sobre o Camiño ao seu paso por Caldas de Reis, como as do pai Sarmiento. Os visitantes destacaban a boa comida, a auga quente, os ríos e o hospital de San Roque, que acollía e curaba aos peregrinos. As virtudes de Caldas continúan hoxe.

O municipio goza de augas mineiro-medicinais, das que destaca tanto a temperatura como a composición. As augas están indicadas para afeccións respiratorias, reumáticas ou de pel.

Curiosidades

Unha das curiosidades de Caldas é a súa vinculación ás campás. Na zona de Arcos da Condesa funciona desde 1630 un taller de fundición de campá e metais finos que foi fundado por Felipe Blanco Ocampo, na súa localización orixinal, no lugar de Ameal.

En 1886 Melchor Ocampo trasladou o taller ao lugar de Badoucos, onde tomou a vez Juan Ocampo, que faleceu en 1954 e a quen sucederon os seus seis fillos, propietarios actuais. Na parroquia son coñecidos como os campaneiros e aínda que todos colaboran, a xerencia está nas mans de Laureano e Manuel, aínda que da parte artesá encárgase Enrique López.

O proceso de elaboración das campás segue sendo o mesmo desde os seus inicios, empregando como materias primas barro, leña e bronce. Este material faise circular por uns regueiros que chegan ata os moldes de barro sobrepostos, que se enterran baixo terra.

Os pesos das campás poden variar entre os 150 e os 2.000 quilos. Turismo lúdico Se o peregrino dispón de tempo talvez queira gozar do paseo fluvial coñecido como Ruta da auga, unha ruta de nove quilómetros que inclúe un salto de auga. Ademais, tamén se pode coñecer a primeira central hidroeléctrica de Galicia, promovida por Laureano Salgado.

Actividade

Para vivir o camiño debes estar rexistrado e/ou logueado. Dá o primeiro paso e empeza a túa historia!

Actividade recente

No hay ningún comentario en este muro social

Localización
Localidade Onde durmir Onde comer Servizos
Servizos
  • Conexión por autobus
  • Caixeiros
  • Farmacias
  • Garda Civil986540008
  • Policía local609829292
  • Protección Civil609556549
  • Supermercados
  • Paradas de taxi
La Voz de Galicia La Voz de Asturias

Puntos de interés

Albergues | Aloxamentos | Restaurantes | Guarnicionerías | Médicos | Puntos de interese | Talleres de bicicletas

Contactar | Aviso Legal | Autoría | Mapa Web

© Copyright LA VOZ DE GALICIA S.A. Polígono de Sabón, Arteixo, A Coruña (ESPAÑA) Inscrita no Rexistro Mercantil da Coruña no Tomo 2438 do Arquivo, Sección Xeral, aos folios 91 e seguintes, folla C-2141. CIF: A-15000649

Desenvolvido por Hyliacom

Utilizamos cookies propias e de terceiros para mellorar os nosos servizos, manter a sesión e personalizar a experiencia do usuario, así como para obter estatísticas anónimas de uso da web. Se continua navegando consideramos que acepta o seu uso. Pode obter máis información aquí