Caldas de Reis

Hotel Sena ©Panoramio / Suso García Tanoira

Como non podía ser doutro xeito ao tratarse dunha vila termal, Caldas de Reis destaca na súa oferta hostaleira polos seus dous balnearios.

O de Acuña mostra un edificio da arquitectura galega de principios do silgo XX e o Balneario Davila conta cun canaveral de canas de bambú único. Ademais da súa ampla oferta de prazas hostaleiras, o municipio dispón tamén de dous albergues, un público e outro privado. A esta oferta únese a dispoñibilidade do pavillón polideportivo municipal para os grupos de peregrinos de máis de 30 persoas.

Para lograr a súa reserva débese presentar unha instancia ante o concello explicando o nome, DNI e a dirección da persoa responsable, así como un número aproximado de peregrinos, a data e hora de chegada a Caldas e un teléfono de contacto.