Camiño de Levante

Mixent

Camiño de Levante: cruzando a Península de leste a oeste

A pesar da gran distancia que separa Santiago de Compostela e a cidade de Valencia, a capital do Turia garda o seu propio pasado xacobeo desde tempos medievais. Valencia, importante porto levantino, era lugar de desembarco de numerosos peregrinos vindos doutras rexións de Europa co obxectivo de comezar aquí o seu camiño xacobeo para reunirse en Santiago cos restos do Apóstolo. Este movemento migratorio beneficiou o feito de que se establecesen no século XIV varios hospitais de peregrinos na cidade, tamén utilizados por peregrinos que emprendían na costa a súa viaxe a Roma ou Xerusalén.

Moitos séculos despois, a esta ruta centenaria que parte de Valencia coñecémola como o Camiño de Levante, unha das alternativas que atoparemos se queremos peregrinar a Santiago desde a costa mediterránea xunto á Ruta da La, o Camiño de Castelló, o Camiño de Requena, o Camiño do Sueste ou o Camiño Xacobeo do Ebro. O Camiño de Levante percorre ata catro comunidades autónomas (Comunidade Valenciana, Castela-A Mancha, Comunidad de Madrid, Castela e León) ata a súa conexión coa Vía da Prata en Zamora, para proseguir a través de Galicia ata Santiago de Compostela.

Percorrer o Camiño de Levante ata Santiago supón unha longa viaxe de máis de 800 quilómetros por toda a xeografía española de leste a oeste, atravesando a Península e cortándoa pola metade, pero tamén unha experiencia xacobea inesquecible que pode ser percorrida por tramos, segundo as nosas posibilidades e condición. O Camiño de Levante atópase sinalizado na súa totalidade grazas ao inestimable labor sen ánimo de lucro da Asociación de Amigos do Camiño de Santiago Comunidade Valenciana, que ademais comparten coa peregrino información de moita utilidade sobre esta a ruta xacobea.

Toledo

Etapas Camiño de Levante

• Valencia-Algemesí

• Algemesí-Xátiva

• Xátiva-Moixent

• Moixent-La Font de la Figuera

• La Font de la Figuera-Almansa

• Almansa-Higueruela

• Higueruela-Chinchilla de Montearagon

• Chinchilla del Montearagón-Albacete

• Albacete-La Roda

• La Roda-San Clemente

• San Clemente-Las Pedroñeras

• Las Pedroñeras-El Toboso

• El Toboso-La Villa de Don Fadrique

• La Villa de Don Fadrique -Tembleque

• Tembleque-Mora

• Mora-Toledo

• Toledo-Torrijos

• Torrijos-Escalona

• Escalona-San Martín de Valdeiglesias

• San Martín de Valdeiglesias-Cebreros

• Cebreros-Avila

• Avila-Gotarrendura

• Gotarrendura-Arévalo

• Arévalo-Medina del Campo

• Medina del Campo-Siete Iglesias de Trabancos

• Siete Iglesias de Trabancos-Toro

• Toro-Zamora