Castrojeriz

La Posada de Castrojeriz ©Street View

Este enclave de claro sabor xacobeo, e que chegou a contar na Idade Media con sete hospitais para peregrinos, conserva na actualidade unha diversificada oferta de aloxamentos para romeus. Cinco albergues, dous municipais e tres privados, e sucesivos hostais, hoteis e casas de turismo rural engordan as posibilidades de pasar a noite neste núcleo.

Unha posibilidade curiosa, aínda que non demasiado económica, é a de durmir nunha antiga casa cova (actual casa de turismo rural) situada na ladeira do cerro do castelo. Estes habitáculos usáronse como vivendas durante varias décadas. No caso de que os albergues estean completos o Concello habilita un pavillón para os camiñantes.