Reportaxe

A Costa do Sapo: o maior reto entre A Fonsagrada e O Cádavo

Un dos tramos máis temidos de todo o camiño primitivo

Baixada ata O Cádavo, imaxe de Wikimedia Commons por José Antonio Gil Martínez

Baixada ata O Cádavo, imaxe de Wikimedia Commons por José Antonio Gil Martínez

A etapa 8 do camiño primitivo

O traxecto entre A Fonsagrada e O Cádavo é a primeira etapa do camiño primitivo que transcorre por completo na Galiza, se se comeza dende Oviedo. Se o punto de inicio é O Acebo, sin embargo, será la segunda. . É unha etapa que resulta fascinante polos entornos naturais que atravesamos durante estes 24,4 quilómetros, pero iso non fai que esquezamos o dura que pode resultar. 

Este percorrido alterna subidas e baixadas de diferente intensidade, á vez que cruza varias aldeas. Aínda que esta etapa poida pasar desapercibida, é máis esixente do que parece, sobre todo para aqueles que deciden prolongala ata Castroverde para reducir a distancia da novena etapa, que chega a Lugo. 

O peor tramo da etapa

Polo xeral considérase que a etapa máis dura do camiño primitivo é a que vai dende Borres ata Berducedo, xa que inclúe o ascenso ata Pola de Allande e a abrupta baixada ata Berducedo. Se a subida é dura, baixar aínda o é máis, porque hai un desnivel de 600 metros que no inverno pode parecer impracticable para alguén pouco curtido. 

Sen embargo, a medio camiño entre A Fonsagrada e O Cádavo atópase a Costa do Sapo, que culmina a chegada Á Lastra. Este ascenso non é longo, pero éche intenso, e é que en só un quilómetro pásase dos 675 metros de altitude aos 820. Pode parecer que 145 metros de desnivel non é moito, pero costa arriba e despois de levar preto de dous tercios da etapa, resulta agotador. Sobre todo, tendo en conta que unha vez se chega Á Lastra, aínda queda un tramo de subida ata Fontaneira de preto doutro quilómetro. Non é tan duro como o anterior, pero é boa idea facer un pequeno descanso na Lastra para recuperar os folgos antes de continuar.

Camiño primitivo, imaxe de Wikimedia Commons por Simon Burchell

Camiño primitivo, imaxe de Wikimedia Commons por Simon Burchell

A recompensa tras a subida

Rematar unha subida tan intensa como a que precede a chegada a Fontaneira produce satisfacción para o peregrino. Afortunadamente, unha vez na vila, xa só queda o tramo final, moito máis sinxelo. Dende a cota máis alta da etapa, a 900 metros de altitude, toca baixar ata volver a situarse nos 700. Aínda queda preto dunha hora de etapa, algo menos de cinco quilómetros. Tras una baixada levadeira na súa maioría, por fin se pode ver O Cádavo, onde hai un albergue na entrada da vila no que recuperar a enerxía despois desta etapa tan intensa.

Relacionados

Actividade

Para vivir o camiño debes estar rexistrado e/ou logueado. Dá o primeiro paso e empeza a túa historia!

Actividade recente

No hay ningún comentario en este muro social

Últimos contidos
Consellos
Curiosidades
La Voz de Galicia La Voz de Asturias

Puntos de interese

Localidades | Albergues | Aloxamentos | Restaurantes | Guarnicionerías | Médicos | Puntos de interese | Talleres de bicicletas

Contactar | Politica de privacidade | Política de Cookies | | Aviso Legal | Autoría | Mapa Web

© Copyright LA VOZ DE GALICIA S.A. Polígono de Sabón, Arteixo, A Coruña (ESPAÑA) Inscrita no Rexistro Mercantil da Coruña no Tomo 2438 do Arquivo, Sección Xeral, aos folios 91 e seguintes, folla C-2141. CIF: A-15000649

Desenvolto e administrado por Hyliacom