As Etapas do Ferrol

Ferrol y su ría

As principais conexións terrestres a Ferrol son os terminais ferroviarios e os accesos por estrada. Á cidade pódese acceder directamente pola autoestrada AP-9 desde A Coruña, pola autovía AG-64 (Ferrol-Vilalba) ou  pola estrada nacional 651, que cruza a ría pola ponte das Pías.

As céntricas estacións de tren e de bus atópanse a apenas uns metros de distancia entre ambas, próximas á praza de España. A terminal ferroviaria (902 432 343) é punto de partida e final de traxecto para os servizos de Feve (981 370 401), o tren de vía estreita que conecta as localidades costeiras do Cantábrico ata Bilbao, e Renfe (902 240 202). Esta compañía enlaza un tren diario directo (tren hotel) con Madrid e a través dun único transbordo accédese diariamente a Barcelona, Hendaia e outros destinos nacionais de importancia.

Tamén lanza trens diarios de proximidade que conectan Ferrol con outros destinos turísticos das inmediacións, como Pontedeume, Betanzos e A Coruña. Ademais, cun único transbordo (A Coruña) accédese ao resto das principais urbes galegas: Santiago, Vilagarcía de Arousa, Pontevedra, Vigo (con ligazóns a Portugal) e Ourense.

Igualmente, a estación de autobuses (981 324 700) é destino e orixe de viaxes ás capitais galegas e principais cidades nacionais. A empresa Alsa (981 326 205) realiza as rutas de longa distancia, con conexións a Madrid, Xixón, Bilbao, Irún, Lugo, Ponferrada, Astorga, Benavente, Zamora, Salamanca, Cáceres, Sevilla, Cádiz, Alxeciras, Portugal, Alemaña, Bélxica, Francia e Suíza.

Dos traxectos dentro da comunidade encárgase Castromil-Monbus (981 314 063), e Arriva Noroeste (981 324 751) cuxos principais destinos son A Coruña, Santiago de Compostela, Vigo, Pontevedra, Vilagarcía de Arousa, Cambados, O Grove, A Toxa, Noia, Muros, Boiro, Ribeira, Fisterra, Betanzos, Ourense, Narón, Valdoviño e Cedeira. O aeroporto máis próximo é o de Alvedro, na Coruña, a 50 quilómetros pola autoestrada AP-9.

Correos ofréceche un servizo de envío de mochilas para que poidas camiñar sen cargas e gozar ao máximo das rutas e etapas, e tamén podes gozar dun servizo de embalaxe e envío de bicicletas. O prezo é de 42,03 euros (IVE incluído, envío a España peninsular). Funciona en todas as súas oficinas.

Ferrol conta con varias paradas de taxis que ofrecen servizo as 24 horas (981 355 555). As máis céntricas e que coinciden co trazado do Camiño están situadas no porto de Curuxeiras, no teatro Jofre e na praza de Armas.