Ferrol

Ferrol ©Panoramio Pedritop

La fortaleza de San Felipe flanquea la bocana de la ría

Ferrol, berce de ilustres como Gonzalo Torrente Ballester, Pablo Iglesias ou Concepción Arenal, é unha cidade que conserva o sinal da industria naval e a Mariña, e así o reflicten o seu vocabulario e costumes. Resisten na zona portuaria tendas de efectos navais nas que atopar artigos de coleccionista e decorativos de temática mariñeira.

Celébrase nas inmediacións do porto un mercadillo cada terceiro domingo de mes no que se poden adquirir desde produtos gastronómicos ata roupa. Entre os seus produtos típicos atópanse os roxóns, elaborados de xeito distinto ao resto de Galicia.

A carne de porco, da parte da tripa, déixase cocer a lume lento nunha pota ata que adquire o aspecto e textura dunha cortiza de exquisito sabor. O mercado da Magdalena é bo lugar para adquirilos. En repostería, non poden faltar os bicos, pasteis en forma de corazón co que os locais hostaleiros agasallan aos seus clientes o día das Pepitas, outra celebración singular da cidade con máis de 120 anos de tradición.

Celébrase a véspera de San Xosé (a noite do 18 ao 19 de marzo) e durante ela as rondallas de toda a comarca, con atavío de capas e roupas elegantes, roldan con temas musicais baixo os balcóns das casas cantando ao amor.