Frómista

Venta Boffard, Frómista ©Street View

Os peregrinos non acharán problema en almorzar en Frómista. Distintos bares situados na rúa Arquitecto Aníbal, na contorna da praza de San Martín e na avenida Ingeniero Rivera ofrecen xantares desde primeira hora. Tamén os hoteis, como o San Martín, con cafetería propia, ou algúns mesóns, como o Infante de Castela, xa permiten gozar dun café desde as 7.00 horas. Un local con boa localización, na mencionada praza de San Martín, é a Venta Boffard, onde, ademais, de gozar dunhas tostas e poder comprar algún dos afamados queixos, pódense contemplar mostras de distintas disciplinas artísticas.

Á hora da comida a oferta diversifícase aínda máis, con diversos bares, mesóns, asadores e restaurantes que ofrecen tanto unha carta con pratos casteláns como menús do peregrino, que en toda a localidade se sitúan en 10 euros. O mamote é unha das especialidades que non se deberían deixar de probar.