Mansilla de las Mulas

Restaurante El Hórreo ©Street View

Os peregrinos non acharán problema en almorzar nalgún dos bares que balizan o itinerario xacobeo, sobre todo, nalgún dos existentes na rúa do Puente. Diversos hostais, como San Martín ou, sobre todo, El Postigo, amencen cedo para atender as demandas dos romeus.

Ademais, a cafetería da estación de autobuses, situada na rúa Virgen de Gracia, s/n, permanece as 24 horas aberta, o que pode servir de axuda a máis dun. Á hora da comida hai varios locais onde gozar da comida caseira leonesa, como Casa Marcelo; de peixes e mariscos, como El Hórreo, ou da propia decoración do local, como en La Curiosa, situada nunha antiga botica. Entre as especialidades do lugar destaca o bacallau ao estilo de Mansilla e entre os seus produtos estrela, a morcilla e o tomate.