Mansilla de las Mulas

Mansilla de las Mulas ©Panoramio Carlos Sieiro del Nido

A pesar de que en Mansilla non hai ningún masaxista específico que poida atender aos peregrinos, nunha herboristería si se lles podería facilitar algunha masaxe, aínda que tería que ser con cita previa. Trátase de El Postigo (987 310 367).

Os peregrinos poden acudir á oficina de Turismo para obter información sobre o concello. Está situada na praza do Convento (987310012). Abre de mércores a domingo. Para comprar a credencial os romeus poden acudir ao albergue municipal (custa 1 euro) ou á sede da Asociación de Amigos do Camiño de Santiago de Mansilla, situada na Casa de Cultura San Martín (praza de San Martín, 1; 987 311 193 / 653 241 139).

En Mansilla de las Mulas hai unha lavandería de autoservizo para os peregrinos. Trátase de Limpia Plus (987 311 016), situada na praza Arrabal, 1. A tarifa é de 4 euros por lavado e outros 4 euros por secado. Na estación de autobuses hai wifi e, ademais, os peregrinos poden acceder a varios computadores con conexión a Internet. As tarifas son de 50 céntimos por media hora e de 1 euro por hora.