Os arredores de Miño permiten ao viaxeiro gozar dun merecido descanso. Os seus areais e zonas verdes perfílanse como lugares idóneos para facer un alto no camiño, ermo de referentes históricos ata a medieval Ponte do Porco, xa no límite co municipio de Paderne. Atopará o romeu un miradoiro sobre o estuario da praia da Alameda, case á saída da vila, paraxe onde o río Lambre alcanza o Atlántico.
Como vila mariñeira, Miño celebra as festas do Carmen o 16 de xullo, pero a súa festividade de referencia é en honra a San Pedro, durante a última semana de xuño e a primeira de xullo. Nesas datas realízanse actividades tradicionais, eventos deportivos e os imprescindibles concertos e verbenas.
A mediados de agosto ten lugar unha festa gastronómica de exaltación da cebola, produto típico do municipio. Todos os domingos se celebra un feirón onde se poden adquirir produtos da horta, pan, roupa ou artesanía. As praias Nas inmediacións da localidade atópanse as praias Grande de Miño (a máis concorrida), A Ribeira (ou pequena) e a da Alameda, na desembocadura do Lambre.
8°
01/05/2024
few clouds
Localidades | Albergues | Aloxamentos | Restaurantes | Guarnicionerías | Médicos | Puntos de interese | Talleres de bicicletas
Contactar | Politica de privacidade | Política de Cookies | | Aviso Legal | Autoría | Mapa Web | Consentimiento
© Copyright LA VOZ DE GALICIA S.A. Polígono de Sabón, Arteixo, A Coruña (ESPAÑA) Inscrita no Rexistro Mercantil da Coruña no Tomo 2438 do Arquivo, Sección Xeral, aos folios 91 e seguintes, folla C-2141. CIF: A-15000649