As Etapas do Padrón

Padrón ©Panoramio /jose luis hidalgo

Correos ofréceche un servizo de envío de mochilas para que poidas camiñar sen cargas e gozar ao máximo das rutas e etapas, e tamén podes gozar dun servizo de embalaxe e envío de bicicletas. O prezo é de 42,03 euros (IVE incluído, envío a España peninsular). Funciona en todas as súas oficinas.

En Padrón hai dúas paradas de taxis. Unha situada na rúa Real, (+34) 98181295, e, unha segunda, na avenida Compostela, (+34) 981811459. Para levar a equipaxe durante a ruta do Camiño portugués unha das principais opcións é a compañía Tuitrans, que cobre o tramo completo entre Pontelima, en Portugal, ata Finisterre ou Muxía tras pasar por Santiago de Compostela. (Susana (+34) 636839675 ouJose Manuel (+34) 646982906 de 8.00 a 22.00 horas).

O prezo é de 7 euros por mochila e etapa, aínda que pode reducirse en función do número de persoas. A empresa, que ten sede física en Tui (Bispo Lago, 5) encárgase de trasladar a equipaxe ata os lugares de aloxamento acordados co peregrino, que se poden anunciar o día anterior ou ben ofrecendo unha ruta completa da viaxe planificada.

Tamén conta cun servizo de taxi para os que necesiten axuda para rematar unha etapa ou realizar traslados dende aeroportos a algún tramo do camiño. Tuitrans ten o seu propio taxi e convenios con profesionais de todas as cidades do camiño, cos que xa están pechadas as tarifas especiais. Ademais, ofrecen aluguer de bicicletas aos peregrinos. Os prezos son de 20 euros por día máis 35 pola recollida en Santiago de Compostela. Outra opción para desprazar as mochilas durante o Camiño portugués é Sinmochila. (600295007 ou contacto@sinmochila.es). Neste caso cóbrense as seis etapas galegas e para o caso das axencias tamén as dúas de Portugal. A tarifa é de 7 euros por mochila e etapa, aínda que varía en función do número (mínimo 3 euros por máis de 15 mochilas).

As equipaxes son deixadas no lugar de aloxamento se se trata de hoteis ou albergues públicos, no caso dos da Xunta tense concertado con bares e cafetarías da zona.

Os peregrinos a pedal dispoñen de varios locais onde acudir ante calquera problema. Ademais das dúas tendas expostas a continuación hai dous talleres de motocicletas onde tamén lles poden botar unha man. Son Talleres Souto: (+34) 981811159 e Talleres Leandro: (+34) 981811352.