Fragas del Eume

Las Fragas del Eume

As Fragas do Eume: Un punto verde que tes que visitar

As Fragas do Eume é un dos bosques atlánticos costeiros mellor conservados de Europa. A súa extensión é moi ampla, xa que abarca 9.125 hectáreas. Con todo, este bosque conta coa vantaxe de atoparse nunha zona virxe, dentro de toda a súa extensión viven menos de 500 persoas. 

Podes acceder a estas  fragas mentres realizas o Camiño de Santiago, a través das distintas localidades no Camiño Inglés que se atopan nas súas proximidades: As Pontes, Pontedeume e Monfero. Ademais, o bosque conta con catro miradoiros para que non te perdas nin un só detalle, desde as distintas vistas panorámicas que che ofrece esta paraxe natural.

Diversos tesouros que atoparás

O río Eume é unha das marabillas que se achan neste lugar, podes descubrir todos os segredos que esconde o seu percorrido, cunha lonxitude de cen quilómetros. Este parque natural está cheo de especies vexetais, moi variadas e tan antigas como distintos fentos datados do período xeolóxico Terciario. A pegada humana medieval tamén está presente nas construcións medievais dos Mosteiros de Caaveiro e Monfero, e nos elementos etnográficos chamados '' curripas'': construcións circulares sen cobertura, de pequena altura e realizadas en pedra, que datarían o seu uso ata o  S. XX. Por último, seres vivos que non atoparás noutros lugares, como máis de cen especies de aves, corenta mamíferos e algúns que outros peixes.