Redondela

Casa Paco, Redondela ©Street View

A ruta urbana sen dúbida é a mellor para garantirse un amplo abano de posibilidades onde degustar un almorzo. O traxecto do camiño desde que se entra a través do convento de Vilavella está cheo de cafeterías e bares onde o peregrino será ben recibido. Existen multitude de prazoletas onde gozar do café e o sol.

O café Central ofrece, en plena rotonda coñecida como do farol, atención ao peregrino desde horas temprnas e incluso un divertido selo con forma de pingüín. Os visitantes non poden pasar polo municipio sen probar os seus famosos chocos. Cada mes de maio a vila celebra unha festa en honra a este cefalópodo, de aspecto similar ás luras pero de gusto diferente e que se cociña orixinalmente coa súa tinta negra.

Os diferentes bares do municipio serven chocos en calquera das súas receitas, desde guisado a en as clásicas empanadas galegas. Os mariscos frescos, coas ostras do próximo municipio de Soutomaior como referente, e os peixes son os grandes alicientes da gastronomía local. Nos últimos tempos incorporouse para os golosos unha parada a maiores, co nacemento do Sopapo dos peregrinos, creada no 2010 por unha coñecida empresa da área de Vigo, Latorta.

Atópase en plena ruta do camiño no centro urbano e teñen a opción tamén de reserva online. A maioría de restaurantes da zona ofrecen chocos en todas as súas variedades, algúns con moita tradición, como Casa Paco. Aos que non lles importe afastarse do centro urbano poden achegarse á zona dos muíños, varios establecementos situados en muíños restaurados. Son tres e están situados na estrada que vai á parroquia de Esteban de Negros. Serven tapas variadas e a contorna é inigualable.