Silleda

Iglesia de Silleda / Fotografía de Marcos Míguez

O cómodo núcleo, cabeceira do concello e onde reside máis do 35% da súa poboación, é coñecido pola súa Semana Verde, evento que lle serviu de motor da agricultura e catalizador de investimentos con gran repercusión no sector da agroindustria e dos servizos.

O enclave, onde os peregrinos atoparán os servizos necesarios para a súa estancia, serve como punto de partida para visitar a ampla riqueza patrimonial e natural da súa contorna.

Ademais, a todos aqueles camiñantes aos que lles coincida chegar a Silleda durante o primeiro fin de semana de xullo poderán gozar da súa coñecida Festa do Lacón. E é que esta localidade, do mesmo xeito que moitas da Galicia interior, pola súa dedicación maioritaria á ganadería e agricultura, ofrece ao visitante unha gastronomía de gran calidade.

Unha das celebracións coas que poden coincidir moitos peregrinos que cheguen a Silleda en verán é a Festa do Lacón, un clásico gastronómico que no 2013 cumpriu 15 anos. A festa, que ten lugar en xullo, na Praza da Feira Vella, conta cun particular protocolo. Repártese unha peza por cada cinco comensais.

O lote inclúe, ademais do propio lacón, un queixo e unha peza de membrillo, veu e pan. Ademais, os comensais reciben unha táboa e un coitelo e un tenedor grandes para despezar o lacón e as demais viandas. O produto ofrécese en dúas modalidades de cociña. Dos 220 lacóns preparados, 120 son encargados asados. O resto da demanda, cen máis, preséntanse cocidos.