Vilalba

Vilalba ©Street View

Á beira do albergue, no mesmo polígono industrial, hai un bar (parrillada A Revolta) onde é posible almorzar. De seguir cara ao pobo, achará o peregrino, xusto á entrada, a cafetería Xalundes (esquerda), onde tamén serven almorzos.

É o primeiro dun bo número de establecementos dispostos ás marxes da avenida da Pravia, arteria do núcleo urbano. Para comer pódese optar por restaurantes ou mesóns -máis económicos-, onde se serven tapas e racións, como o mesón O Xugo (avenida de Galicia, 54) ou a pulpería O Pote (Pravia, 10). Antes de abandonar o casco vilalbés, o trazado xacobeo pasa fronte ao restaurante Mesón do Campo, unha boa elección para degustar a combinación da cociña moderna e tradicional.